Ordini e disordini
Galleria Spazio Cortequattro
“La mostre ‘Ordini e Disordini’, dedicade a Giuseppe Zigaina (1924-2015) e a Emilio Vedova (1919-2006), e nas de colaborazion prestigjose cul editôr e stampadôr di oparis di art Federico Santini. Zigaina al è stât un om e un artist cuntune forma mentis ordenade, tant te vite che te sô art. Al disponeve il spazi cuntune grande abilitât inteletuâl, cjapant ispirazion de culture rinassimentâl che e va di Paolo Uccello a Dürer. Nol faseve il “gjeometre”, nol cjapave misuris: al lave dome daûr de bielece compositive, come che a dimostrin in maniere clare i siei dissens e incisions.
Vedova invezit al è dut un disordin, ancje se tal compuartâsi i plaseve l’ordin, e lu pretindeve ancje di chei altris. Al è stât un apassionât ricercjadôr dal disordin: al à minuçât il spazi, rote la struture compositive, cirût la invenzion dentri dal caos. Cheste esposizion e ufrìs une selezion di oparis grafichis, dissens e scrits che a metin dongje i elements diferents e compagns che a vevin tra di lôr chescj doi grancj artiscj dal nestri Nûfcent”.
Didier Zompicchiatti