Le tue parole
Pierluigi, Scluse e il cîl

Poete e prosatôr liric, la opare di Pierluigi Cappello e à traviersât lis formis cui viers des sôs marilenghis, furlan e talian, e e à incrosât la sonoritât de poesie cu la sô capacitât di contâ dal metafisic a tacâ de dimension piçule e concrete des robis, ancje di chês plui sterpis e duris. Divagant tal unic romanç di Cappello, “Questa libertà”, e lis sôs poesiis, Giuseppe Battiston e il musicist Piero Sidoti a fasin onôr ae poesie dal autôr. A metin adun la musiche e la peraule taliane e furlane, rompint e zuiant cu lis formis e i lûcs comuns, par tornâ a cjatâ dentri di lôr il podê creatîf e libar de evocazion.

Prime assolude

In câs di brut timp, il spetacul si fasarà te Glesie di San Francesc

Spetacul in lenghe taliane e furlane cun soretitui par talian