Un conciert che al met adun musiche, circ, teatri, video mapping, coreografie, fashion design. Energjie e calme, armonie e disordin, passion e tecniche: i Marquis Noir a son une fusion poliedriche tra elements dal dut contraris tra di lôr tant che la libertât dal jazz e la adrenaline dal rock che si messedin cu la musiche classiche, di film e cul funk. Come che a scrivin i cinc musiciscj, «la musiche e je universâl, ma la fusion musicâl inmò di plui». Un conciert dai Marquis Noir al vûl dî o calme inte confusion dal univiers o caos te pâs de vite.

Vincidôr Mittelyoung 2024

Marquis Noir, scjolt par sô energjie dense e coinvulent, trasmesse di une sonoritât caotiche, ma decidude e sincere.

Curatores Mittelyoung2024

---

PREMI MITTELYOUNG 2024

SPETACUL

Un concert in cui il dialogo tra musiciscj di diverse proveniencis si trasforme in un spetacul dinamic, fluid, cun un impât radiant sul pubblic. Un show energetic.

MARQUIS NOIR

Giurie
Alberto Bevilacqua, Veronika Brvar, Roberto Canziani, Elisa Marcon

Un film e un assolo di bal: a son doi lengaçs artistics che si cjatin par contâ dal viaç straordenari di une cinese adotade. Bai Li Wiegmans nus invide a esplorâ la sô vite intime par cjatâ un sens di apartignince. “Home” nol è dome une storie privade, al è ancje un omaç par chês personis che a frontin lis dificoltâts de adozion e de dople identitât. Un spetacul sugjestîf e delicât che al da vôs a chei che no àn un sens fis di cjase, e al da confuart e comprension a cui che al è tra doi monts.

Vincidôr Mittelyoung 2024

Home, scjolt par vê dischius il privât de l’artîst, rivelant l’emozion attraverso un gest delicat e impècabil.

Curatores Mittelyoung 2024

---

PREMI MITTELYOUNG 2024

TOURNÉE

Il tematic atuel e delicât des adozions internazionâls propuest in un format che al conjoin un documentari autobiografic e un intînt pensîr di dance.Original e emozionâl.

HOME

La Giurie
Alberto Bevilacqua, Veronika Brvar, Roberto Canziani, Elisa Marcon

Tal 2014, Elliot Rodger, un zovin di vincjedoi agns, al à sassinât sîs personis e feridis cutuardis. Prime di copâsi al à publicât il so manifest, “My Twisted World”(il gno mont deviât), dulà che al conte i events plui impuartants de sô vite, di cuant che al jere frutin fin al moment de stragje. Elliot al jere un “incel”, come che a disin par inglês, o sedi un vedran involontari. In “Twisted World” il cerviel di Elliot al devente un viodeozûc senic interatîf. Al è un spetacul strani che nus met devant des plui grandis conturbiis di cheste gjenerazion.

Si pues assisti al spetacul dal vîf midiant dal colegament cun Twitch, canâl twistedworld channel

Vincidôr Mittelyoung 2024

Twisted World, scjolt par sô atualitât, il risic, l’innovazion e la complessitât de sô construzion.

Curatores Mittelyoung 2024

Un laboratori musicâl interatîf par fruts dai 5 agns insù, dentri de storie!

La violiniste Puña e viaze intal timp e par erôr e capite tal secul VI dopo di Crist dulà che e cjate Gjusulf, il duche dai Langobarts, simpri impegnât cu la politiche e che nol sa nuie di musiche: Puña, judade dai frutins, e profite di cheste ocasion par fâje cognossi. Il laboratori al ufrìs une conte storiche che e va daûr dai reperts esponûts tal museu; in plui, al esplore la musiche in dutis lis sôs formis: ativitâts di scolte e sonorizazions di grup, cjants, zûcs ritmics e pas di danze. Dutis chestis ativitâts a svilupin intal frut une schirie di competencis impuartantis pe sô cressite.

Jentrade libare dome cun iscrizion. Iscrizion culì

Tal colorât caroçon dal circ, disordin e dissipline si messedin. Il sens plui profont di cheste ativitât al nas propit de tension tra l’ordin e il caos. Dal pont di viste de pedagogjie, cheste tension e je la fonde di ativitâts dulà che normis e creativitât no son in contrast tra di lôr: l’entusiasim dal zûc al ricognòs la esistence de regule come sô premesse fondamentâl. Il laboratori al permetarà ai fruts di provâ lis tecnichis principâls de ativitât dal circ cun zûcs di grup ispirâts ai studis di psicomotricitât.

Dal 2011 Circo all’inCirca al met al servizi de pedagogjie il so stîl creatîf promovint il circ tant che ent educatîf par svilupâ ideis, gnovis pratichis di inclusion sociâl, espression artistiche e dissipline sportive. A son cuatri zornadis di laboratori dulà che educadôrs cun esperience a mostrin lis areis principâls des dissiplinis dal circ: acrobatiche, manipolazion dai ogjets e zûcs di gaugar.

Si pues partecipâ a un incuintri o a ducj i cuatri.

partecipants a varan di vistîsi cuntune tute di gjinastiche cence cernieris o botons: no si varan di vê intor anei, golainis e cualsisei altri gjenar di acessori che al podedi ruvinâ materiâi o ferî cui che ju à intorsi.

La ativitât si le fâs discolçs e e sarà come une lezion: si à di rivâ in orari e restâ fin ae fin.

Ingrès libar dome cun iscrizion.

Par celebrâ i cent agns de nassite di Franco Basaglia, i siei prins arlêfs e la gjenerazion di miedis sucessive a contin cemût che il psichiatri al veve pensade la sô teorie rivoluzionarie su la salût mentâl, centrade su la persone e su la sô malatie, sdrumant il sisteme dai manicomis. Imagjins di repertori e testemoneancis diretis nus mostrin l’orôr de segregazion tal manicomi e cuale che e varès di sei la prassi de cure elaborade di Basaglia. E vuê? La leç 180 “Basaglia” ise stade aplicade dal dut, come che e varès? Cemût si curino vuê lis personis cun problemis mentâi? Ce fasie la sanitât publiche pe salût mentâl? Al è un film che nol da rispuestis, ma che al vierç un dibatit suntun teme une vore delicât che vuê si cîr di dismenteâ.

Jentrade libare fin che al è puest
In câs di brut timp, la proiezion si fasarà te Sale Sociâl de SOMSI di Cividât

Une flabe dai nestris timps che e celebre cu la musiche la fuarce e la bielece de convivence di plui culturis. Kamla si è trasferide di pôc cui siei gjenitôrs intun palaç degradât de perifarie di Triest, dulà che a vivin altris fameis imigradis e un vecjo professôr che al odee ducj. Cuant che al rive l’avîs di sfrat, i oms, che no vuelin lassâ lis lôr cjasis, a reagjissin cun rabie cuintri dal paron disonest che ju menace; lis feminis, invezit, si unissin tra di lôr par salvâ il destin des lôr fameis, tra ridadis, vaidis e incomprensions. Intant che il professôr Leone al devente amì di Kamla cuintri de volontât dal pari, Shanti, la mari de frute, e dimostre di savê balâ tant che une stele di Bollywood. Cul jutori di une amie taliane, al nas il progjet di vierzi une scuele di danze e tal cuartîr za si fevele des Babylon Sisters.

Jentrade libare fin che al è puest
In câs di brut timp, la proiezion si fasarà te Sale Sociâl de SOMSI di Cividât

Operari, soldât, militant, presonîr, cospiradôr, bombarûl, esiliât: Umberto Tommasini (1896-1980) al è stât dut chest e ancje tant altri. Al jere un fari, un anarchic che al à traviersât dut il secul XX trasmetint a fuart la sô maniere umane di vivi la vite. Un documentari al conte la vite semplice di chest fari militant, di Triest, sô citât di nassite, e dai grancj events che a àn savoltât la Europe tai prins dal Nûfcent. Cun imagjins di archivi, intervistis e animazions origjinâls, il documentari al ricostruìs la vite di un om dominât di un grant umanitarisim e di une ironie costante. Un om che al à volût dedicâ, cence mai pintîsi, dute la sô vite ae lote politiche e che al à paiât di persone il presit de sô sielte.

Jentrade libare fin che al è puest
In câs di brut timp, la proiezion si fasarà te Sale Sociâl de SOMSI di Cividât

Jacopo Giacomoni, Circo all’inCirca e Collettivo L’Amalgama si confrontin cul public.

Par une ore Cividât al devente Zlotogrod, une citadine te perifarie dal imperi austroongjarês, sul confin cu la Russie. Par une ore lis stradis di Cividât a deventin chês di un paîs inventât dal scritôr Joseph Roth: un puest popolât di funzionaris frêts, puars buteghîrs ebreus, esiliâts, zingaris e int scjampade di preson; al è l’univiers tant lontan, ma tal stes timp une vore vicin, là che il famôs scritôr al à ambientât tantis des sôs contis.

Jentrade libare fin che al è puest
In câs di brut timp, il spetacul si fasarà tal Ridot dal Teatri Ristori

Teatrino Giullare e Matteo Spiazzi si confrontin cul public.

Il regjist Matteo Spiazzi e la storiche compagnie Teatrino Giullare a son dôs perlis dal teatri talian che a interpretin in maniere origjinâl une des plui antighis tecnichis de art teatrâl: la mascare.

Jentrade libare fin che al è puest
In câs di brut timp, il spetacul si fasarà tal Ridot dal Teatri Ristori