Lis proibizions che a divegnin dal tabù no àn nissune justificazion; no si cognòs la lôr origjin; se par nô a son incomprensibilis, a son invezit naturâls par chei che ur son sometûts.
Sigmund Freud, Totem e tabù
I tabûs a son cidins: a permetin di cjalâ il mont dentri de suaze di un barcon precîs. Cussì a dissegnin il confin invisibil tra i voi e ce che al incuiete, che al è proibît o pericolôs, e tal stes timp a confermin la sacralitât dai lûcs sigûrs dulà che si pues stâ cun serenitât.
E pûr i tabûs si movin, ancjemò une volte cidins: cussì, pe magjie di un incuintri o cence vê di dî altris peraulis, a cambiin il confin di ce che al à di restâ platât e di ce che al pues mostrâsi. Duncje, te gjeografie e te storie, i tabûs a definissin lis leçs tasudis che la umanitât e cjape sù. E cuâi sono i tabûs che o sin daûr a vivi culì, tes nestris latitudins, e in cheste ete chi de lungje storie umane? Cuâi enigmis, dolôrs, fedeltâts, proibizions e desideris, limits, siums o pôris marcjino i nestris confins?
I tabûs e il lôr misteri, clâr o discognossût par cui che ju vîf, incomprensibii e evidents a cui che no ur è sometût, a son lis leçs no scritis che a sostegnin la magjie, atraente e spaventose, dal nestri mont svariât, plui ambigui che trasparent. Salacor, cence tabù no si à umanitât. A cui che al vûl, che al vedi il plasê di scuvierzilu.
Giacomo Pedini
Diretôr artistic di Mittelfest
Danze, Event
Il Posto/Wanda Moretti + Marco Castelli Small Ensemble
Piazza Foro Giulio Cesare
Musiche
CEMAN Orchestra/Conservatorio Giuseppe Tartini di Trieste
Chiesa di San Francesco
Musiche
Mikhail Mordvinov/ Raphael Bell/ Solenne Paidassi
Chiesa di San Francesco
