Un conciert che al met adun musiche, circ, teatri, video mapping, coreografie, fashion design. Energjie e calme, armonie e disordin, passion e tecniche: i Marquis Noir a son une fusion poliedriche tra elements dal dut contraris tra di lôr tant che la libertât dal jazz e la adrenaline dal rock che si messedin cu la musiche classiche, di film e cul funk. Come che a scrivin i cinc musiciscj, «la musiche e je universâl, ma la fusion musicâl inmò di plui». Un conciert dai Marquis Noir al vûl dî o calme inte confusion dal univiers o caos te pâs de vite.

Vincidôr Mittelyoung 2024

Marquis Noir, scjolt par sô energjie dense e coinvulent, trasmesse di une sonoritât caotiche, ma decidude e sincere.

Curatores Mittelyoung2024

---

PREMI MITTELYOUNG 2024

SPETACUL

Un concert in cui il dialogo tra musiciscj di diverse proveniencis si trasforme in un spetacul dinamic, fluid, cun un impât radiant sul pubblic. Un show energetic.

MARQUIS NOIR

Giurie
Alberto Bevilacqua, Veronika Brvar, Roberto Canziani, Elisa Marcon

Doi violins e un piano a code grande? Stait atents: trê musiciscj a savoltin dut ce che par solit si pense de musiche classiche intun esplodi imburît di danze, circ e pantomime. Une misture plene di energjie fate di Mozart, rock’n’roll, improvisazion, tango, colonis sonoris e cjançonetis pop. Un violinist gaugar, un sunadôr di tube che al sune il piano, un pianist che al sune il flaut, e ancje un violinist che al fâs il moonwalking e che al bale cul tutù: cui ThreeX, nuie al somee ce che al è. La musiche di ogni timp si mude intun spetacul incredibil dulà che pardabon no si rive a restâ seris.

Prime nazionâl  

Spetacul par dutis lis etâts

Milan, 1841. Giuseppe Verdi al è une vore avilît e al è che al pense di bandonâ la sene. Dôs musicistis di vuê, lis Pizz’n’Zipp, a decidin di teletraspuartâsi a cjase sô midiant di une machine dal timp strambalade. Rivarano a fâi tornâ la ispirazion pierdude e a salvâ la sô cariere? Savint za il fortunât destin dal compositôr, lis zovinis si daran da fâ par presentâ al Mestri cualchidun dai tocs tra i plui cognossûts des sôs oparis, sunant, balant e cjantant, fasintsi judâ dai frututs che a son in sale.

Progetto Famiglia 
Dai 5 agns insù

Program  

Giuseppe Verdi 

Dov’è l’astro che nel cielo da Oberto, Conte di San Bonifacio 
Marcia trionfale da Aida 
Possente Fthà da Aida 
Danza Sacra delle sacerdotesse da Aida 
Bella figlia dell’amore da Rigoletto 
La donna è mobile da Rigoletto 
Va’ pensiero da Nabucco 
Coro degli zingari da Il trovatore 
Libiamo ne’ lieti calici da La traviata 

A tornin in sene te version 2.0 la gjornaliste che e fâs di naratore, l’ensemble strumentâl e dut il davoi di vôs e di musis che a contin, a denunziin, a berlin cuintri des tragjediis che vuê a capitin dispès: dai taramots ai muarts sul lavôr, dal probleme dai refudums a chel dal cambiament climatic. La espression di un mont che al reagjìs e al proteste, che al vûl libertât, si font cu la musiche di Fabio Cifariello Ciardi. La gjornaliste Luciana Coluccello e vuide il public dentri e fûr dai events contâts.

Prime assolude

Spostâs in tal Teatri Ristori

«E o ai viodût un agnul plen di fuarce che al vignive jù dal cîl, […] disint: “No ‘nd è plui di Timp; ma te dì che il setim agnul al sunarà la trombe, alore il misteri di Diu si colmarà”». Cuntun pas de Apocalìs al tache un dai plui famôs cuartets dal secul XX. Scrit tal cjamp di concentrament di Görlitz, dulà che Messiaen al jere internât, lu àn sunât pe prime volte tal 1941 devant di un public di presonîrs e di vuardiis. Une opare infinide, che devant dai disordins de vuere e vierç un slambri mistic e si fâs domandis su ce che al è “il timp”.

Programma 

Olivier Messiaen 
Quatuor pour la fin du temps par violin, clarinet, violoncel, plan
Composizion scrite tal cjamp di concentrament di Görlitz tal 1940-41

1. Liturgie de cristal 
2. Vocalise, pour l’Ange qui annonce la fin du Temps 
3. Abîmes des oiseaux 
4. Intermède 
5. Louange à l’éternité de Jésus 
6. Danse de la fureur pour les sept trompettes 
7. Fouillis d’arcs-en-ciel, pour l’Ange qui annonce la fin du Temps 
8. Louange à l’immortalité de Jésus  

 

Bazylek al è un drâc simpatic, protagonist di tantis leiendis di Varsavie. Come un frutin, al è curiôs di dut, ma la sô passion plui grande e je la musiche. Coragjôs e sensibil, al fâs subit amicizie cui  musiciscj e cul public. Cheste volte, cul cuintet di flâts de Sinfonia Varsovia, Bazylek al ricuardarà i tancj viaçs fats ator pal mont. Di fat, scuindintsi dentri de custodie di un strument musicâl, al leve ancje lui cu la Orchestre in tournée: al à viodût creaturis mitichis e cjatâts ogjets misteriôs, massime souvenirs musicâi. Cumò al à gust di condividiju cul zovin public di Mittelfest!

Prime nazionâl

Progetto Famiglia  
Di 3 agns insù
Spetacul musicâl e mimât, cun tocs in lenghe inglese e taliane

 

Musichis di
Claude Debussy 
Kaspar Kummer  
Stanisław Moniuszko 
Jacques Ibert  
Ronaldo Miranda 
Malcolm Arnold 
Gioachino Rossini 

Il Cuintet di struments a flât de innomenade “Sinfonia Varsovia” al presente a Mittelfest un program cun compositôrs polacs e cualchi toc tra i plui biei scrits e rangjâts par chest gjenar di formazion. Come se a fossin intun scus di nole – “nutshell” – i suns dal cuintet a cjapin dentri un insiemi di culturis e di lengaçs de musiche europeane. Di Rossini a Dvořák, de Bacewicz (composidore polache) al diretôr storic Penderecki: un viaç tal timp che al va ca e là tra la Polonie e il rest de Europe. Il caos al devente un model ordenât dentri di un scus musicâl.

Prime nazionâl

Programm

Stanisław Moniuszko, Highlanders’ Dances dall’opera Halka (arr. Piotr Kamiński) 
Alexander Zemlinsky, Humoreske (Rondo) 
Antonín Dvořák, Slavonic Dances op. 72 No. 2 (arr. Ulf Guido Schafer) 
Jacques Ibert, Trois pièces brèves
Tadeusz Szeligowski, Allegro con brio
Krzysztof Penderecki, Aria da Three Pieces in Old Style (arr. Piotr Kamiński)
Grażyna Bacewicz, Allegretto e Vivo da Quintetto per strumenti a fiato 
Gioacchino Rossini, Overture dall’opera L’Italiana in Algeri (arr. Bill Holcombe and Bill Holombe Jr)
Georges Bizet, Carmen Suite (arr. David Walter)

Alexander Gadjiev, un artist che al è za stât a Mittelfest plui voltis, al vuide une masterclass di zovins pianiscj che a vegnin di dut il mont. A proponin un viaç musicâl che al travierse il vivôr e il turbament dal Romanticisim: agns scjassâts dal terôr sublim e de devozion pe gjenialitât, tormentâts e variabii pe musiche, che istès, pal pianoforte, e à vût intuizions che no si fermin ae idee solite che si à di chê ete. Chescj zovins talents nus daran une cerce dal clime romantic: conflits distrutîfs cu la nature, improvisazions che no si spietìn, burascjis sentimentâls e un caos une vore ordenât.

Program
Schumann, Sonata n.1 op.11, primo movimento (Daisuke Yagi)
Rachmaninov, Preludi op.23 nn. 1,7 (Paola Possamai)
Improvvisazione romantica
Liszt, Studio trascendentale n.10 (Maor Sivan)
Ravel, Alborada del gracioso, da “Miroirs” (Oksana Oposhnian)
Debussy, dai Preludi, “Voiles”, “Général Lavine: eccentric” (David Irimescu)
Ligeti, due studi “Cordes à vide”, “L’escalier du diable” (Mattia Fusi)
Ravel, Scarbo, da “Gaspard de la Nuit” (Sergio Scibilia)
Messiaen, Le baiser de l’Enfant-Jèsus, dai “Vingt Regards sur l’Enfant-Jèsus” (Mattia Fusi)

Une fusion nucleâr musicâl, une energjie esplosive che e cjape dentri dute la platee: a son i Kernfusion. Al è dut un brusâ di liniis musicâls, ritmis hip-hop, melodiis precisis che a jemplin l’aiar acompagnant il public intun viaç interstelâr. I Kernfusion, un grup austriac che si è fat tai timps de scuele, a presentin vuê a Mittelfest il lôr prin album. Nol sarà di smaraveâsi se il miscliç di musichis swing,  fusion agns ’80 e paisaçs eletronics a fasaran vignî a ducj une grande voie di balâ. 

Prime nazionâl 

Programma

Dutis lis composizions a son dai Kernfusion
Johnny New di Jonas Kočnik  
When You See Bachi di Jakob Gönitzer 
Fragments di Timon Grohs  
Bliss di Timon Grohs 
Tree Of Life di Timon Grohs  
Cool Chaos di Thomas Quendler 
5th Survivor di Jonas Kočnik

Dai Balcans al ven ca un ciclon incontignibil, balant. De anime gjitane dal leader e trombetist Džambo Agušev, sorenomenât “la tigre dal funky”, une baldorie di otons e di percussions e travierse la fusion des culturis ortodosse e otomane, tipiche de Macedonie, rivant ai suns modernis americans e dal soul. De piçule citât di Strumica ae concuiste dal mont: la Džambo Aguševi Orchestra e puarte sul palc di Mittelfest une legre bissebove di musiche balcaniche.

Prime nazionâl

In câs di brut timp, il spetacul si fasarà tal Teatri Ristori

Program 

album Brasses For the Masses 
compositôr Djambo Ozden & alcuni altri
cjase discografiche Asphalt Tango Records