Jacopo Giacomoni, Circo all’inCirca e Collettivo L’Amalgama si confrontin cul public.

Par une ore Cividât al devente Zlotogrod, une citadine te perifarie dal imperi austroongjarês, sul confin cu la Russie. Par une ore lis stradis di Cividât a deventin chês di un paîs inventât dal scritôr Joseph Roth: un puest popolât di funzionaris frêts, puars buteghîrs ebreus, esiliâts, zingaris e int scjampade di preson; al è l’univiers tant lontan, ma tal stes timp une vore vicin, là che il famôs scritôr al à ambientât tantis des sôs contis.

Jentrade libare fin che al è puest
In câs di brut timp, il spetacul si fasarà tal Ridot dal Teatri Ristori

Teatrino Giullare e Matteo Spiazzi si confrontin cul public.

Il regjist Matteo Spiazzi e la storiche compagnie Teatrino Giullare a son dôs perlis dal teatri talian che a interpretin in maniere origjinâl une des plui antighis tecnichis de art teatrâl: la mascare.

Jentrade libare fin che al è puest
In câs di brut timp, il spetacul si fasarà tal Ridot dal Teatri Ristori

Moni Ovadia incontra il pubblico. 

Moni Ovadia si confronte cul public.

Moni Ovadia al torne a Mittelfest cun Senza confini, il so «piçul ma apassionât contribût te bataie cuintri dutis lis formis di razisim». Un recital fat di cjants, musichis, storiis roms, sintis e ebraichis che a dan risonance ae vocazion che lis personis esiliadis a àn in comun.

Jentrade libare fin che al è puest
In câs di brut timp, il spetacul si fasarà tal Ridot dal Teatri Ristori

Aleksandra Vrebalov si confronte cun Daniela Terranova (Conservatori Tartini di Triest) e il public.

Antennae al è un conciert mistic par cjantôrs bizantins, côr, struments a flât e arcs, ispirât ae icone de “Vergjine Eleousa” dal secul XV atribuide al pitôr Angelos Akotantos.Si lu propon pe prime volte in Italie culì a Mittelfest, ae presince de autore, la innomenade compositore serbe Aleksandra Vrebalov.

Jentrade libare fin che al è puest
In câs di brut timp, il spetacul si fasarà tal Ridot dal Teatri Ristori

Jeton Neziraj e la compagnie di Negotiating peace si confrontin cul public.

Il famôs dramaturc cossovan Jeton Neziraj al puarte a Mittelfest une comedie sarcastiche e satiriche sui procès che a puartin ae pâs: ce isal daûr di un negoziât? Il spetacul, prodot e fat di une compagnie multietniche di atôrs e atoris che a vegnin di dutis lis bandis de Europe, nus mostre lis sperancis, lis sfidis e lis falsetâts che a compagnin i procès di pâs. E se e fos dome une tregue?

Jentrade libare fin che al è puest
In câs di brut timp, il spetacul si fasarà tal Ridot dal Teatri Ristori