Un spetacul di clown par ducj, umoristic e cence peraulis.

Doi bufons dai nestris timps a àn di scjuvî dute une schirie di pericui; intune zirevolte di comicitât e poesie nus mostraran cemût che la insigurece e il caos a puedin imberdeâ la nestre vite. Cuant che la tension e sarà al massim e il disastri al pararà iminent, o varìn la sorprese di soluzions che no crodevin, si visarìn che une ridade e pues slizerî il cûr comedant problemis che a vevin dal impussibil.

A son za tancj agns che i doi svuizars a puartin a teatri la art dal clown (clownerie) cuntune cualitât fate di teatralitât sfaçade e di rafinade comicitât.

Progetto Famiglia 
cence peraulis e par dutis lis etâts

 

Un viaç tra formis, colôrs e ritmis, dulà che la regule e je une sole: fâsi cjapâ dentri dal zûc. I zovins artiscj dal Circo all’inCirca a smaravein il public intune confusion simpri plui disordenade di acrobaziis, musiche e ligrie, ispiradis des oparis dal famôs scritôr e dissegnadôr Hervé Tullet: come che la sô didatiche rivoluzionarie e stiçave i zovins letôrs a remenâ, cjareçâ, stuarzi e dâ vite ai libris, cussì ancje Circo all’Incirca nus invide a esplorâ la imagjinazion e i mudaments de art. La prime maniere par partecipâ, che e je ancje la plui divertente, e je chê di zuiâ.

Prime assolude

Progetto Famiglia
Dai 3 agns insù

Doi cuarps a esplorin un spazi vueit. Di un piçul e sempliç moviment dal cjâf, si rive a acrobaziis complicadis e doi balarins a zuin tra di lôr vuidâts dal principi eterni dal sbalçâ. Une composizion fisiche instreçade a fuart che e mostre la bielece de variazion dulà che dut al somearès invezit compagn. Ce vuelial dî “colaborâ” pardabon? Sfuarçâsi, resisti, fâ ben e sbaliâ, ma mai di bessôi, simpri insiemi: chest al è Renè.  

Prima nazionale

---

Citciat

Bai Li Wiegmans (Home) e Sinking Sideways (René) incuintran il pûblic miercus ai 17 di Lui a lis 21.15 parsore la Gleise di Santa Maria dei Battuti
Conduç la curadore Christina Lancione

Ingres libar

---

PREMI MITTELYOUNG 2024

MENZION SPECIAL DE LA GIURIE

Une partiture corporâl e spazial inte cuali minimes variazions e continui rebals vegnin trasmess al pubblic e a ribaltin i confin tradizionâi de dance e dal circ.Ipnotic.

Giurie
Alberto Bevilacqua, Veronika Brvar, Roberto Canziani, Elisa Marcon

Une celebritât de musiche disco dai agns Otante e une “regjine santificade” a rivin in sene vignint fûr di un grum di blancjarie e nus invidin intal lôr tinel strambalât. A son inocentis, pelosis, sacris, cu la passion pal drame, nassudis intune ete sbaliade, pierdudis te lôr imperfezion. Nus puartin intun spetacul MTV magjic che al à la energjie de piste di bal e la seduzion di David Bowie. Cu la detule “Life is a Mistery”, (la vite e je un misteri) Santa & Glitter nus puarte intun mont divin fat di cuarde verticâl, trapezi pe danze, sospension pai cjavei e teatri fisic. 

---

Citciat

Cia. Bruta Bruja (Santa & Glitter), Marquis Noir (Marquis Noir) e JL Production (Lonesome Balkan) a s’incontrin cui public jôivedì 18 di Lui a lis 16.00 te Chiostro Centro Civico.
Presentât dal curator Andreas Garivalis
Ingrès libar

Doi anzians a son aromai usâts a cjapâ par vêr dut ce che la television ur propon. Cheste scjate retangolâr e condizione cussì tant lis lôr convinzions che e devente la proiezion de lôr stesse vite. Dome cul distudâle ur tornarà la fuarce de creativitât autentiche. Lis lôr musis a tornaran a cjapâ colôr, i voi lûs, i moviments a deventaran plui pronts. Son tutte palle (A son dutis balis) al è un spetacul cence peraulis che cun zûcs di destrece, acrobaziis e paiaçadis al conte in maniere delicade des magagnis de etât e dal ingjan de television. 

---

Citciat

La Compagnie Chalibares (Son tutte palle) e Platform13 (MANual) incuintran il pûblic miercus ai 17 di Lui a lis 16.00 parsore il Chiostro Centro Civico
Conduç la curadore Christina Lancione

Ingres libar