Forum Associazione Mitteleuropa
FVG e Repubblica Ceca. Un futuro da condividere nel cuore d’Europa / F-VJ e Republiche Ceche. Un avignî di condividi tal mieç de Europe
Dal 2021 la Associazion Mitteleuropa e inricjìs il program di spetacui di teatri, di musiche, di danze e di circ di Mittefest cuntun event impuartant di amicizie istituzionâl: un forum di dialic e di incuintris tra il Friûl-Vignesie Julie e i Paîs forescj che i son plui dongje par gjeografie, storie e culture, a conferme des relazions speciâls che cheste regjon e à cun lôr.
Tal 2021 e je stade ospite speciâl la Slovenie, cu la presince onorevule dal President de Republiche Borut Pahor; tal 2022, la Austrie e tal 2023 la Ongjarie, in ocasion de elezion di Veszprém tant che Capitâl Europeane de Culture 2023. Tal 2024 il Paîs ospit dal forum al è la Republiche Ceche, che e à par nature un leam plurisecolâr cu la part taliane de Mitteleurope.
inmaneât di Associazione Mitteleuropa
La Associazion Mitteleuropa e je nassude tal 1974 par promovi il confront culturâl, economic e sociâl tra i Paîs de Europe centrâl: in chê volte e jere pardabon une sfide, par vie che cu la tendine di fier lis relazions e i progjets a jerin une vore complicâts, cuasi impussibii. Intai agns Mitteleuropa e à zontât ae sô prime mission ancje ativitâts di “diplomazie culturâl”. Vuê la associazion e je increditade te Regjon Friûl-Vignesie Julie tra i ents culturâi plui impuartants a nivel regjonâl e e je iscrite te liste de trasparence de Comission Europeane.