Balkalar

Imagjinaitsi un tapêt intiessût di ritmis e di melodiis balcanichis, une urdidure di cjantis tradizionâls de Macedonie, de Serbie, de Cravuazie e de Bosgne, la trame rifinide cun rangjaments musicâi plens di energjie e voie di balâ. I zovins che a tiessin chest incuintri esplosîf – dulà che la frenesie de antighe musiche balcaniche e supere il bati supersonic de nestre ete mate – a son i Balkalar. Partîts di Zagabrie, si son fats pes stradis midiant di tantis esibizions. A rivin in Italie pe prime volte par dimostrâ in maniere legre e coinvolzente cetant siôr che al è il patrimoni musicâl dai Balcans.

Prime nazionâl